Bloomberg: İsrail bir neçə gün ərzində Qəzza əməliyyatını genişləndirə bilər

İsrail ordusu yaxın günlərdə Qəzzada hərbi hücumunu gücləndirə bilər və bunun üçün on minlərlə ehtiyat əsgəri çağıracaq.

AJMEDİA.İNFO xəbər verir ki, bu barədə mənbələrə istinadən Bloomberg məlumat yayıb .

Onların sözlərinə görə, əməliyyatın genişləndirilməsi ilə bağlı qərar İsrailin baş naziri Binyamin Netanyahunun kabinetinin mayın 3-də keçirilən iclasında qəbul edilib.

Agentliyin qeyd etdiyi kimi, hərbi əməliyyatların intensivləşməsi Fələstinin HƏMAS hərəkatı ilə uzun sürən müharibədə dalana dirənməsi səbəbindən xaricdə və ölkə daxilində Netanyahuya artan təzyiq fonunda baş verəcək.

Martın 18-də İsrail ordusu Fələstin anklavında hərbi əməliyyatları bərpa edərək, ona qarşı kütləvi zərbələr endirib və bununla da bu ilin yanvarında yaradılmış atəşkəsi pozub. Yəhudi dövlətinin baş naziri Benyamin Netanyahunun ofisi bunu radikal HƏMAS hərəkatının danışıqlar zamanı vasitəçilər və ABŞ prezidentinin xüsusi nümayəndəsi Stiven Vitkoff tərəfindən irəli sürülən təkliflərdən imtina etməsi ilə izah edərək, sektordakı əməliyyatın məqsədinin bütün girovları azad etmək olduğunu bəyan edib. Radikallar hərbi əməliyyatların yenidən başlamasında İsrail və ABŞ-ı günahlandırıblar.//turkustan.az