Azərbaycanda millətlərarası sülh hökm sürür - Əliyev
19 saat əvvəlAzərbaycandan xaricə 20 mindən çox diri at satılıb – İllər üzrə siyahı
27 Yanvar 2025 09:29 | Baxış sayı: 1013
Ötən ilin ilk 11 ayı ərzində Azərbaycandan xarici ölkələrə 1 851 baş at satılıb.
AJMEDİA.İNFO xəbər verir ki, Yeniavaz.com-un açıqlanan rəsmi məlumatlara istinadən apardığı hesablama göstərir ki, əvvəlki ilin eyni dövrü ilə müqayisədə at ixracı 22,5% azalıb. Belə ki, 2023-ci ilin ilk 11 ayında Azərbaycandan xaricə 2 388 baş at satılıb.
Ötən il xaricə satılan bir baş atın orta gömrük dəyəri 199 dollar (339 manat) olub. Əvvəlki ilin eyni dövründə isə atlar xaricə daha ucuz satılıb. 2023-ci ilin ilk 11 ayında xaricə satılan bir atın orta gömrük dəyəri 181 dollar (344 manat) olub.
Məlumat üçün qeyd edək ki, Azərbaycanda diri at (ətlik istiqamət üzrə) ixracına ilk dəfə 2016-cı ildə başlanıb və ötən ilin dekabr ayına kimi kimi 20 min 19 baş diri at satılıb.
İllər üzrə ixrac olunan diri atların sayı və qiyməti aşağıdakı kimi olub:
| İllər | Atların sayı | Bir baş atın gömrük dəyəri |
| 2016 | 1 155 baş | 141 dollar |
| 2017 | 7 619 baş | 148 dollar |
| 2018 | 2 071 baş | 149 dollar |
| 2019 | 461 baş | 188 dollar |
| 2020 | 208 baş | 183 dollar |
| 2021 | 349 baş | 196 dollar |
| 2022 | 3 524 baş | 176 dollar |
| 2023 | 2 793 baş | 185 dollar |
| 2024 Yan.-Noyabr | 1 851 baş | 199 dollar |
