“Gəlirləri azalıb, ona görə qalmaqal axtarırlar...” – Turan İbrahimov özəl kanalları qınadı

“Mövsüm başlayan kimi özəl televiziyalarda sanki qırğındı, ölüm-qalım mübarizəsi gedir”.

AJMEDİA.İNFO bildirir ki, bunu tanınmış aparıcı Turan İbrahimov deyib.

O, qeyd edib ki, özəl kanalların qalmaqallı veriliş fraqmentləri yayılır, müzakirə edilir və qınanılır:

“Çünki bu mövsüm tamaşaçıları daha da azalıb, reklam büdcələri kiçilib, kanallar o büdcələri özlərinə cəlb etmək üçün daha çox səs-küy salmaq məcburiyyətində qalıblar. Əks halda, qazancları daha da azalacaq”.

T.İbrahimov qeyd edib ki, artıq televiziyaya baxanların nisbəti çox aşağı düşüb:

“6-7 il öncə daha böyük rəqəmlər və faizlər olurdu. Ən kədərlisi də odur ki, yerli kanallarımıza baxanların nisbəti lap aşağı düşüb”.