İsrail FƏLAKƏT siqnalları verir: Fələstinli məhbusların azadlığı təxirə salındı

İsrail hökuməti 22 fevral tarixində planlaşdırılan 602 fələstinli məhbusun azad edilməsini qeyri-müəyyən müddətə təxirə salıb.

AJMEDİA.İNFO xəbər verir ki, bu barədə baş nazir Binyamin Netanyahunun ofisi məlumat yayıb.

Rəsmi açıqlamaya görə, qərar HƏMAS-ın Qəzzada girovlarla bağlı həyata keçirdiyi "alçaldıcı mərasimlər" səbəbilə verilib.

"HƏMAS-ın təkrar-təkrar etdiyi qayda pozuntuları, girovlarımızı alçaldan mərasimlər və onların təbliğat məqsədilə istifadə edilməsi səbəbindən, terrorçuların azad edilməsini yalnız növbəti girovların azadlığı təmin edildikdən və bu cür alçaldıcı hallar başa çatdıqdan sonra həyata keçirəcəyik", — deyə İsrail hökumətinin bəyanatında bildirilib.

Bu qərar bölgədə gərginliyi daha da artırıb və beynəlxalq ictimaiyyətin diqqətini yenidən İsrail-Fələstin münaqişəsinə yönəldib.//musavat.com