İsrail ordusu Qəzzada daha iki hərbçisini İTİRDİ

İsrail Müdafiə Qüvvələri (SAXAL) Qəzza zolağında daha iki hərbçisini itirib.

AJMEDİA.İNFO xəbər verir ki, bu barədə “The Times of Israel” nəşri yazıb.

Nəşrin yazdığına görə, 21 yaşlı leytenant Şai Ayeli Qəzza zolağının şimalında gedən döyüşdə, 31 yaşlı baş serjant Tell Şua isə Qəzzanın cənubunda gedən döyüşdə həlak olub.

İsrail ordusunun mətbuat xidmətinin məlumatına görə, Qəzza zolağında quru əməliyyatı başlayandan indiyədək həlak olan İsrail əsgərlərinin sayı 139-a çatıb.

İsrail-Fələstin münaqişəsinin yeni gərginləşməsinin başlanmasından indiyədək İsrail ordusunda ölənlərinin ümumi sayı 471 nəfər olub.