Seneqalda qeyri-qanuni miqrantları daşıyan qayıq aşıb, 8 nəfər ölüb

Seneqalda İspaniyaya gedən qeyri-qanuni miqrantları daşıyan qayığın aşması nəticəsində 8 nəfər həyatını itirib.

Seneqal Daxili İşlər Nazirliyindən verilən yazılı açıqlamada ölkənin cənubundakı Kafountine kəndindən İspaniyanın Kanar adalarına gedən qayığın Saint-Luis şəhəri sahillərində çevrildiyi bildirilib.

Hadisə yerinə gedən daxili işlər naziri Antuan Feliks Diome qayıqda 60 nəfərin olduğunu, 8 nəfərin cəsədinin tapıldığını deyib.