Azərbaycan iqtisadiyyatına investisiya qoyuluşu azalıb

Bu ilin yanvar-noyabr aylarında Azərbaycanda əsas kapitala 15910,3 milyon manat və ya ötən ilin müvafiq dövrü ilə müqayisədə 3,8 faiz az investisiya qoyulub.

AJMEDİA.İNFO Dövlət Statistika Komitəsinə istinadən xəbər verir ki, dövr ərzində neft-qaz sektoruna yönəldilmiş investisiyaların həcmi 9 faiz, qeyri neft-qaz sektoruna yönəldilmiş investisiyaların həcmi isə 1,1 faiz azalıb.

Ümumi sərmayənin 56,7 faizi dövlət, 43,3 faizi qeyri-dövlət sektorunun payına düşüb.