HƏMAS Qəzza ilə bağlı İsraillə danışıqlardan yayınır: "Mənasızdır"

HƏMAS rəhbərliyi münaqişənin və Qəzzada blokadanın davam etdiyi müddətdə atəşkəslə bağlı İsraillə danışıqları davam etdirməyi mənasız adlandırıb.

AJMEDİA.İNFO TASS agentliyinə istinadən xəbər verir ki, bunu HƏMAS-ın siyasi bürosunun üzvü Basem Naim deyib.

B.Naim vurğulayıb ki, hazırda Qəzzada ölüm-dirim müharibəsi gedir və belə olan halda danışıqlar aparmaq və yeni təklifləri nəzərdən keçirmək mənasızdır.

Xatırladaq ki, Fələstin Qızıl Aypara Cəmiyyətinin dərc etdiyi hesabatda qeyd olunur ki, Qəzza zolağının humanitar yardım paylama mərkəzlərində və bazarlarda ərzaq ehtiyatları tükənib.